_كفاية صرلك شهرين غايب عني يالغالي
كفاية يا أعز الناس ترى و الله ما أقدر
دخيلك لا تخيب فيك هدواتي و آمالي
و تنهى عن الصبر و الله و غلاتك عندي راح أصبر_(2)
أبتحمل على فرقاك و حالي يرثي الحال
مع أني و الله لين اليوم مدري ليش بس تهجر
أبعرف شو السبب أرجوك و شو الي بس يجرالي
أنا شسويت يا ربي عشان تثور و تتفجر
_أنا و الله ما استاهل أبد كل الي يجرالي(2)
أقل ما فيها بس قلي سبب خلاك تتغير
أبعرف بس شو الموضوع علامك صرت ما تبالي
بذمت كل أهلك في يوم شفتني بشي أنا مقصر_(2)
عطيتك قلبي و روحي
وهبتك حالي و مالي
حملت إحساس هالدنيا و عطيته ليك و أنا أفخر
_عشقتك عشق لا قبله و لا بعده عشق تالي
هويتك موت و تخيل الين الموت و تصور_(2)
و إذا جاني مسج منك مخزن رقمك الغالي
و لا إمسح رسالاتك
أتم أقراها و أفكر
و أحلل كل كلمة بالمسج الله يا غربالي
وأقول بخاطري معقول حاسس فيني و يشعر
أرد أقول لا يمكن تذكرني و هو سالي
لإني توني مطرش مسج طرش مسج يشكر
و أرد أقول لا أدري يبيني و حاسس بحالي
و أرد أقول لا ما أظن على باله أنا أخطر
الين أنا اتأكدت قلبه بالفعل خالي
و لا غيري أنا بقلبه يحبني موت و يقدر
لاني مرة من المرات طرت فكرة على بالي (2)
نويت أزعل بدون أسباب و شوفه لو بيتأثر
أبعرف قدري بقلبه يهمه وضعي الحالي
و أنه راح يطنشني و لا يسأل و يستفسر
و فعلا دق ما جاوبت حرقلي و الله جوالي(2)
ثلاثة آلاف مرة دق و أنا مطنش و لا معبر
كتبلي بالمسج اطلع أنا عند بابك الحالي
قسماً بالله ما تطلع لخربها أنا و احذر
و مشكلتي أعرفه زين يسويها و لا يبالي
نزلت و خاطره مكسور يقول شفيك متغير
و قلتله بس أبي اتأكد إذا قدري معك غالي
ضحكلي و قالي اتأكدت و دمعه بلل المحجر
و طارت فيني الدنيا
طارت فيني الدنيا المكاني صاحبي جالي
تعذرلي و أنا الغلطان و أنا الي لازم أتعذر
بعدها عشنا أحلى أيام في قربه يا نيالي
بعدها عشت أحلى أيام في قربه يا نيالي
وصلنا لمرحلة ما نفترق عن بعضنا و أكثر
بعدها فجأة خلاني و لا يسأل عن أحوالي (2)
و أنا في خاطري أدري محالف يوم يتغير
أدق له ما يجاوبلي بدأت أشك في حالي
أخاف إنه حصله شي أخاف بس متكدّر
لعب في قلبي الوسواس (2)
خياله ما تهيالي حوالي ألف مسج طرشت
حبيبي يا عسى ما شر
و لا جاوب و أنا قاعد على أعصابي و غربالي
حبيبي صار له أسبوع فيني حتى ما فكر
الين إني عرفت شلون أخلي خلي الغالي يكلمني
و جت فكرة بعد ما مت و أنا أفكر
و فعلا اتصل فيني و بدت أحزاني و أهوالي
و كانت صدمه كبيرة علي الغالي يتكدّر
و كانت صدمه كبيرة علي الغالي يتغير
سألته و شفيك ما من شر يا الغالي
وشلي صار بالدنيا علامك ليش متبعثر
أو إنك يعني ما تدري بدونك صرت أنا لحالي
و لا أي خلق أي إنسان كثر ما فيك أنا أفكر
و جاوبني و قال أرجوك أبي هالدنيا تصفالي
أنا مليت من وضعي و أشوف الكل متغير
أنا ضاقت بي الدنيا و أبي أبقى أنا لحالي
خلاص تركني لا تسأل و أنا برجع عقب أشهر
و قلت له مو علي تكذب أعرفك تضعف قبالي
تكلم قول شو الموضوع بدا قلبي يدق أكثر
سكت لحظة و قال أرجوووك ابعد عني يالغالي (2)
و خلني أذكرك بالخير و انت مثلي اتذكر
و لا تطرش مسج واحد و لا تدق لي أبد تالي
و اذا لي خاطر عندك لا تتكلم أبد سكر
و قلت له و الله ما سكر الين تقول و تصفالي (2)
و قال لي و الله ما تكلم ولو تبكي دمع أحمر
و لكن شوف ربعك و انت تعرف بس شجالي
خلاص افهمها عالطاير لا تحرجني بعد أكثر
و سكر و الدمع فيني على الخدين همالي(2)
قسما بالله ما أدري علامة قلبه اتحجر
فؤادي نهار و أنا حملي يهد جبال و جبال
في لحظة صارت الدنيا في عيني هالكبر و أصغر
حسافة ما توقعته يصدق فيني عذالي (2)
ما هقيته يوم يصد عني و يتغير
و بعدها صار لي ما صار و ربي يعلم بحالي
فؤادي باقي بس شوي و أحسه من الجسم يظهر
بديت أعرق مدري ليش و خابت كل آمالي
أنا اتوقعت كل الناس و لا اتوقعت هو ينكر
و قلت بخاطري خله مصيره يرجع الغالي (2)
أكيد إنه سمع أي شي و جوّه صار متعكر
و لكن طول غيابه و زادت فيني علالي
مرض قلبي تعب فكري و احسه جسمي متخدر
و قلت خلني أطرش له مسج و اشكيله أحوالي
و طرشت و شوي دق لي و دون ما فكر
هلا و الله يا أغلى الناس هلا و الله بالغالي
ألو طارق ما قلت لك لا تذكرني و أذكرك
أبي بس أذكرك بالخير يا أخي خلني في حالي
قلت و خاطري مكسور أنا آسف و ما كرر
قسما بالله لين اليوم و حالي يرثي الحال
قسما بالله لين اليوم و لا أدري ليش هو تغير
قسما بالله ما غطت عيوني و لا هدى بالي
قسما بالله ما مر يوم إلا و فيه أنا فكر
قسما بالله قلت بانساه بس طيفه يتهيالي
قسما بالله لو حاولت أنا أنساه أتذكر
الين اليوم و أنا عندي أمل يرجع و يصفالي
أقول الشوق بيرده على فرقاي ما يقدر
الين اليوم و ضحكاته و بسماته على بالي
الين اليوم ما أرقد كثر ما فيه أنا فكر
أبعرف شو السبب أرجوك وشو الي بس يجرالي
أنا شسويت يا ربي عشان تثور و تتفجر
أنا و الله ما استاهل أبد كل يلي يجرالي
أقل ما فيها بس قلي سبب خلاك تتغير
أبعرف بس شو الموضوع علامك صرت ما تبالي
بذمت كل أهلك في يوم شفتني بشي أنا مقصر
أنا رح أنتظر ردك ولو حتى بمسج خالي (2)
و إذا ما جاني منك رد و غلاتك عندي رح أصبر
سنة سنتين إلي هم أشوفك ثاني قبالي
ثلاث سنين أو أربع أبصبر يعني راح بصبر
و لكن حكّم إحساسك و جاوب يا أغلاك الغالي (2)
بذمت والديك يهون تنساني و لا تذكر
يهون إنك تخليني و لا تسأل و لا تبالي
يهون إنك تنام الليل و تتركني أنا أسهر
كفاية كفاية صرلك شهرين غايب عني يالغالي (2)
كفاية يا أعز الناس ترى و الله ما أقدر
دخيلك لا تخيب فيك هدواتي و آمالي
و تنهى عالصبر و الله و غلاتك عندي راح أصبر (2)
منقول
السبت مارس 15, 2008 12:57 pm
